Real Madrid yabuze umukinnyi n’umwe mu kipe y’umwaka ya La Liga
Ikipe ya Real Madrid yitwaye nabi cyane muri uyu mwaka w’imikino, yabuze umukinnyi n’umwe uyihagararira mu kipe y’abakinnyi 11 baranze shampiyona ya Espagne mu mwaka w’imikino wa 2018/2019.
Ni nyuma yo kurangiza shampiyona ya Espagne ku mwanya wa gatatu, irushwa amanota 19 na FC Barcelona yegukanye igikombe cya shampiyona ifite amanota 87.
Abakinnyi bitwaye neza muri shampiyona ya Espagne biganjemo abo muri FC Barcelona ifitemo bane bose. Iyi kipe ihagagariwe na Gerard Pique, Luis Suarez, Ousmane Dembele na Lionel Messi.
Abandi bakinnyi barimo umuzamu wa Atletico Madrid Jan Oblak wabaye umuzamu w’umwaka, barimo Guillermo Alfonso Maripán wa Deportivo Alaves, Rubén Peña wa Eibar, José Ángel Valdés Díaz (Cote) wa Eibar, Dani Parejo wa Valencia, Rodrigo wa Atletico na Iago Aspas wa Celta de Vigo.
