Rambo arashaka kongera guhuza Mayweather na Manny Pacquiao
Umukinyi wa filime Sylvester Stallone wa menyekanye nka Rambo arashaka kongera guhuza Floyd Mayweather na Manny Pacquiao abagabo bakinnye umukino w’iteramakofe w’amateka muri iki kinyejana turimo.
Stallone aganira na TMZ yavuze ko icyizere afite kingana na 99 % uyu mukino witeramakofe waba bagabo bombi wakongera kuba. “Ndatekereza , icyizere mfite kingana na 99% ko uyu mukino wakongera kuba” ibi Stallone yabivuze ubwo yari avuye mu birori byo kwizihiza isabukuru y’amavuko y’umugore Jennifer Flavin byabereye i Spago.
Stallone yezeye ko Floyd Mayweather azemera uyu murwano uzongera kumuhuza Manny Pacquiao, ibi nanone Rambo abishingira ku magambo Pacquiao aherutse kuvuga nyuma y’umukino yatsinzemo Lucas Matthysse muri Nyakanga uyu mwaka, agahita ahamagara Mayweather bigaragara ko uyu mugabo atanyuzwe n’umukino wa mbere wabahuje.
Manny Pacquiao yagize ati “Mayweather ? niba azahitamo kugaruka mu mukino witera makofe (Boxing) icyo nicyo gihe. mfite umukandara, igisigaye ni we , niba ashaka kuza mu mukino nareke dukine undi mukino wa Kabiri ”
Mu mwaka 2015 ,Mayweather aherutse gutsinda uyu Pacquiao mu mukino wiswe uwikinyejana wabereye i Las Vegas aho aba bombi bakinnye uduce 9 kugirango habonetse utsinda undi.
