AmakuruAmakuru ashushyeInkuru z'amahangaPolitiki

Perezida Trump yatumiwe mu rubanza rwa Mbere rwo kumweguza

Perezida wa Leta zunze ubumwe za Amerika Donald Trump yatumiwe n’Inteko ishinga amategeko y’Amerika mu rubanza rwa mbere rwo kumweguza ruzaba ku itariki ya kane ukuboza 2019.

Jerrold Nadler, ukuriye akanama k’ubucamanza k’abo mu ishyaka ry’abademokarate mu nteko ishinga amategeko, yavuze ko Trump ashobora kwitabira ubwo butumire, cyangwa se “akarekeraho kwinubira uburyo igikorwa cyo kumweguza kiri kugenda”.

Naramuka yitabiriye ubwo butumire, Perezida Trump azashobora guhata ibibazo abatangabuhamya.

Icyo gikorwa cyo mu kwezi gutaha kizaba kibimburiye icyiciro gikurikiraho kijyanye n’iperereza ryo kumweguza.

Rishingiye ku kiganiro cyo kuri telefone cyo muri Nyakanga 2019, hagati ya Perezida Trump na Perezida wa Ukraine Volodymyr Zelensky.

Muri icyo kiganiro, Perezida Trump yasabye Zelensky gukora iperereza kuri Joe Biden, kuri ubu uyu akaba ari we uza imbere mu bashobora guhagararira ishyaka ry’abademokarate mu matora yo muri 2020.

Muri icyo kiganiro kandi, Zelensky yanasabwe gukora iperereza kuri Hunter Biden, umuhungu wa Joe Biden, mbere yaho wari warakoze muri kompanyi Burisma y’ingufu z’amashanyarazi yo muri Ukraine.

Iryo perereza riri kureba niba Trump yarakoresheje igikangisho cyo gufatira inkunga ya gisirikare igenewe Ukraine nk’uburyo bwo kuyotsa igitutu ngo ikore iperereza kuri ba Biden bombi.

Ni mugihe perezida Trump we, abihakana avuga ko nta kibi yakoze, akavuga ko iryo perereza ari uburyo gusa bwo kumwibasira.

Jerrold Nadler ukuriye abagize akanama k’iyi nama
Twitter
WhatsApp
FbMessenger