AmakuruImyidagaduro

Miss World 2018: Iradukunda Liliane yatowe mu bakobwa b’uburanga bufite intego

Miss Rwanda Iradukunda Liliane uhagarariye u Rwanda muri Miss World 2018 i Sanya mu Bushinwa, yatowe mu bakobwa 25 bafite ubwiza bufite intego ’Beauty With a Purpose’.

Aba bakobwa batorwa hagendewe ku mishinga yabo, umushinga wa Iradukunda Liliane wo kurwanya imirire mibi ni wo watumye atorwa muri aba 25 bafite ubwiza bufite intego.

Abategura Miss World batangaje ko abagize akanama nkemurampaka muri iri rushanwa batoye umukobwa ukomoka muri Nepal nk’uhiga abandi mu cyiciro cya ’Beauty With a Purpose’ nyuma yo gukora isuzuma inshuro ebyiri mu bagahitamo amashusho y’imishinga 25 irimo n’uwa Miss Iradukunda Liliane.

Miss Iradukunda Liliane yabaye Nyampinga w’u Rwanda wa kabiri wageze muri iki cyiciro nyuma ya Mutesi Jolly wakigezemo mu 2016.

Miss Iradukunda Liliane mu cyiciro cy’abakobwa batowe muri ‘Beauty With a Purpose’ yatambukanye n’abaserukiye Barbados, Brazil, Chile, u Bushinwa, Cook Islands, Guyana, Indonesia, u Butaliyani, Jamaica, u Buyapani, Kenya, Lebanon, Malaysia, Mexico, Mongolia, Myanmar, Nepal, New Zealand, Panama, u Burusiya, Scotland, Singapore, Trinidad & Tabaqo na Vietnam.

Miss World iri kuba ku nshuro ya 68 , abatsinze bazamenyekana ku wa 08 Ukuboza 2018 mu birori bizabera muri Mangrove Tree Resort iri i Sanya mu Bushinwa aho Iradukunda na bagenzi be basaga 120 bacumbitsemo.

.

 

Twitter
WhatsApp
FbMessenger