AmakuruImyidagaduro

Miss Suprenational 2019: Umunyarwandakazi mu banyamahirwe 16 bashobora kwegukana Miss Supranational Influencer

Abategura irushanwa ry’ubwiza rya Miss Suprenational ku rwego rw’Isi, bashyize hanze urutonde rw’abakobwa 16 ba mbere bahataniye ikamba rya Miss Supranational Influencer, Umunyarwandakazi Miss Umunyana Shanitah yisangamo

Uru rutonde rwatangajwe binyujijwe ku rubuga rwa interineto rw’iri rushanwa abakobwa 16 bazatoranywamo uzegukana iri kamba barimo n’uhagarariye u Rwanda, Shanitah.

Abandi bakobwa bagaragaye kuri uru rutonde ni uhagarariye Canada, Ecuador, u Buholandi, Guatemala, India, Poland, Indonesia, Malta, Philippines, Singapore, Peru, Puerto Rico, Trinidad&Tobago, Venezuela, Vietman na Wales.

Umunyana Shanitah akomeje gushishikariza abafana be gukomeza kumwongerera amahirwe bamutora binyuze kuri interineti nk’uko bigaragara mu mafoto n’ubutumwa ashyira ku rukuta rwe rwa Instagram.

Iri rushanwa rya Miss Supranational riri kubera mu gihugu cya Poland ku nshuro ya 11 biteganyije ko uzaryegukana azamenyekana mu birori bizaba ku wa Gatanu tariki ya 6 Ukuboza 2019 agasimbura Valeria Vazquez Latorre wo muri Puerto Rico waryegukanye umwaka ushize.

Abakobwa 16 ba mbere bahataniye ikamba rya Miss Supranational Influencer
Twitter
WhatsApp
FbMessenger