Meddie Kagere yongereye amasezerano muri Simba Sc
Kagere Meddie , Rutahizamu w’Umunyarwanda yongereye amasezerano y’imyaka ibiri mu ikipe ya Simba Sc yo muri Tanzania.
Uyu rutahizaamu ukunzwe n’abatari bake muri shampiyona ya Tanzania byavugwaga ko yifuzwa n’amakipe yo mu bihugu by’Abarabu harimo na Zamalek, nayandi ariko yahisemo kongera amasezerano muri Simba Sports Club yari asanzwe akinira.
Meddie Kagere ni umwe mu bafashije ikipe ya Simba muri uyu mwaka w’imikino ushize, aho yabaye umukinnyi watsinze ibitego byinshi muri Shampiyona.
Uyu rutahizamu aherutse no gutorwa nk’umukinnyi w’umwaka wa Simba Sc, akaba yaranafashije iyi kipe ye kugera muri ¼ cya CAF Champions League.
