AmakuruImikino

Man City yatsinze Man United yiyongerera amahirwe yo kwegukana Premier league (Amafoto)

Ikipe ya Manchester City yaraye ikuye amanota atatu kuri mukeba wayo Manchester United, biyongerera amahirwe menshi yo kuba yakwegukana igikombe cya shampiyona y’Abongereza uyu mwaka.

Hari muri Derbi y’i Manchester yarangiye Manchester City itsinze Manchester United ibitego 2-0.

Ibitego by’Umunya Portugal Bernardo Silva n’Umudage Leroy Sane ni byo byafashije Manchester City y’umutoza Pep Guardiola kubona aman0ta atatu, ikomeza guhanganira na Liverpool igikombe cya shampiyona mu gihe habura imikino itatu yonyine ngo Premier league isozwe.

Igice cya mbere cy’umukino cyari cyarangiye amakipe yombi anganya 0-0.

Amakipe yombi yari yagerageje gukina neza yemwe anabona amahirwe yo kubona ibitego, gusa birangira ba rutahizamu bayo batabyeje umusaruro amahirwe babonye.

Mu gice cya kabiri cy’umukino Manchester City yacurikiye ikibuga kuri Manchester United, birangira iyibonyemo biriya bitego bibiri byabonetse ku munota wa 54 n’uwa 66 w’umukino.

Magingo aya Manchester City iyoboye shampiyona y’Abongereza n’amanota 89, mu gihe Liverpool ya kabiri ifite 88. Ku mwanya wa gatatu haza Tottenham ifite 70, iya kane ni Chelsea ifite 67 na ho Arsenal ya gatanu ifite 66.

Manchester United iza ku mwanya wa gatandatu n’amanota 64.

Twitter
WhatsApp
FbMessenger