Kimenyi Yves na Miss Muyango bibarutse imfura
Umunyezamu w’ikipe y’igihugu Amavubi ndetse n’ikipe ya Kiyovu Sport Kimenyi Yves ndetse n’umukunzi we Muyango Claudine wigeze kwitabira irushanwa rya Miss Rwanda 2019, bamaze kwibaruka umwana wabo w’imfura.
Nkuko amakuru yakomeje kugenda acicikana ku mubuga nkoranyambaga zitandukanye abivuga, Kimenyi Yves n’umukunzi we Muyango bibarutse imfura yabo nyuma y’imyaka ibiri bamaze bakundana ndetse bakaba bamaze n’igihe babana mu nzu imwe nku’umugore n’umugabo gusa ntabwo bari basezerana kubana.
Mu byishimo byinshi cyane Muyango Claudine nyuma yo kwibaruka imfura ye na Kimenyi, yagaragaje amarangamutima menshi yatewe n’umwana yabyaye maze yandika ubutumwa ku mbuga nkoranyambaga ze yerekana ko yishimiye kuba agiye kujya yitwa mama w’umuntu.
Yagize ati” Mu byukuri ndishimye cyane kandi ndashimira Imana yambaye hafi muri ibi bihe bitambutse bitari byoroshye gusa kuri ubu ntewe ishema nanjye ubwanjye ndetse ndizera neza ko ngiye kuzaba umubyeyi mwiza ku mwana wanjye”.
Nubwo hasohotse amakuru agaragaza ko Kimenyi na Muyango bibarutse imfura yabo ariko ntabwo hitegeze hatangazwa niba umwana bibarutse ari umuhungu cyangwa umukobwa gusa nanone hakaba hari amakuru ahari avuga ko Miss Muyango Claudine yari asanzwe atwite umwana w’umuhungu.
Miss Muyango Uwase Claudine yamenyekanye ubwo yitabiraga irushanwa ry’ubwiza rya Miss Rwanda mu 2019, naho Kimenyi Yves asanzwe ari umunyezamu w’ikipe ya Kiyovu Sports yagezemo umwaka ushize avuye mu ikipe ya Rayon Sport nayo yagezemo nyuma y’uko yirukanwe mu ikipe ya APR Fc, Urukundo rwaba bombi rukaba rwaramenyekanye cyane mu mwaka wa 2019.
Yanditswe na Hirwa Junior
