Hatangajwe undi muhanzi uzaririmba mu gitaramo cya East African Party 2020
Mu gihe imyiteguro y’igitaramo ngarukamwaka cya East African Party giteganyijwe ku itariki ya 1 Mutarama 2020 irimbanyije, hakomeje kugenda hatumirwa abanyamuziki batandukanye bazasusurutsa abazaba bitabiriye iki gitaramo kiri mu bikomeye byo kwizihiza umwaka mushya.
Mu gitaramo cya East African Party 2020 hongewemo umuhanzi Andy Bumuntu uje wiyongera ku bandi bazagenda batangazwa bayobowe na The Ben watangajwe ku ikubitiro.
Ubuyobozi bwa East Africa Promoters (EAP) bwari bwatangaje ko buzagenda butangaza abahanzi bazakitabira umwe ku wundi hakurikijwe uko bugenda buganira nabo aho ku ikubitiro hatangajwe umuhanzi Mugisha Benjamin uzwi nka The Ben nk’umuhanzi mukuru uzaba akirimo hakazagenda hatangazwa abandi kugeza 7 bateganyijwe kuzitabira iki gitaramo batangajwe bose.
Igitaramo cya East African Party kigiye kuba ku ncuro ya 12 kizaba tariki ya 1 Ukuboza 2020 muri Kigali ARENA.
Kwinjira muri iki gitaramo ni amafaranga 5000frw mu myanya isanzwe, 15000 mu myanya y’icyubahiro n’20000 mu myanya y’icyubahiro y’icyiciro gikurikiraho. Mu gihe abazagura tike hakiri kare bo bazagabanyirizwa bakishyura 15000frw mu myanya y’icyubahiro y’icyiciro kisumbuye, 10000frw mu myanya y’icyubahiro ikurikiyeho n’ 3000frw mu myanya isanzwe, amarembo yo kwinjira mu gitaramo akazaba akinguye guhera saa 16h00’ z’umugoroba.
Andy Bumuntu wongerewe mu mubare w’abanyamuziki bazagaragara muri iki gitaramo azwi mu ndirimbo zitandukanye nka Mine, On Fire, Umugisha, Mukadata, Appreciate, Tadja n’izindi nyinshi.
