Harry Kane yageneye ishimwe Pochettino wari umutoza we wirukanwe na Tottenham
Rutahizamu Harry Kane uri mu bakinnyi ngenderwaho mu kipe ya Tottenham Hotspur, yashimiye Umunya-Argentine Maurichio Pochettino wari umutoza we muri iyi kipe yo mu Bwongereza wamaze kwirukanwa n’ubuyobozi bwayo.
Mu ijoro ryakeye nib wo hamenyekanye amakuru y’ukwirukanwa kwa Pauchettino wahise usimbuzwa Umunya-Portugal Jose Mourinho ku nshingano zo gutoza Tottenham.
Harry Kane abinyujije ku rukuta rwe rwa Twitter, yashimiye Pochettino avuga ko yatumye agera ku ndoto ze, anamwifuriza amahirwe masa ku handi azerekeza.
Ati” Gaffer, nzahora ngushimira ku bwo kumfasha kugera ku ndoto zanjye. Twagiranye ibihe byiza ntazigera nibagirwa mu myaka itanu n’igice ishize. Wari umutoza wanjye ariko ukanambera inshuti nshimira ku bw’umubano wacu. Amahirwe masa ku handi uzerekeza.”
Gaffer. I’ll be forever thankful to you for helping me achieve my dreams. We’ve had some amazing moments in the last 5 and a half years that I will never forget. You were my manager but my friend as well and I thank you for that relationship. Good luck with your next chapter! 💙 pic.twitter.com/u64RXV7wd4
— Harry Kane (@HKane) November 20, 2019