AmakuruImikino

FERWAFA iraganira na Minisports kungamba zo kwirinda COVID-19

Hateganyijwe Inama iribuhuze ubuyobozi bwa FERWAFA na Misiports,nyuma y’itangazo ryasohowe na Minisiteri ya Siporo risaba impuzamashyirahamwe y’imikino itandukanye gushishoza ikareba niba nta marushanwa mpuzamahanga yaba ahagaritswe mu rwego rwo kwirinda ikwirakwira rya coronavirus(COVID-19).

Imwe mu ngingo ziri buganirweho ni uguhagarika gahunda zose zo kwitabira imikino mpuzamahanga izakinirwa hanze y’u Rwanda mu rwego rwo kwirinda no gukumira icyorezo cya Coronavirus kimaze gukwira henshi ku isi.

Ibi bivuze ko u Rwanda rutazajya  muri Cap Vert mu mukino w’amajonjora yo gushaka itike yo kujya muri CAN 2021 ndetse no mu gikombe cya Afurika cy’abakinnyi bakina imbere mu gihugu CHAN 2020 izabera muri Cameroon.

Ingingo ya kabiri arasuzuma niba Shampiyona y’u Rwanda yazajya ikinwa nta bafana bari ku kivuga mu rwego rwo gukumira iki cyorezo.

Isaha iriya nama iri bubere ntiramenyekana ariko ikizwi ni uko iri bubere ku kicaro cya FERWAFA

Twitter
WhatsApp
FbMessenger