FC Barcelona ishyizeho agahigo katakozwe n’indi kipe iyariyo yose ku Isi

Ikipe ya FC Barcelona yo muri Esipanye iyoboye amakipe yose yo ku Isi mu guhemba amafaranga menshi mu gihe Real Madrid iri ku mwanya wa kabiri na ho Manchester United ikaba iyoboye izindi mu Bwongereza.

Mu gihe amafaranga akomeje kuba menshi mu mupira w’amaguru, FC Barcelona ni yo kipe ya mbere ku Isi ihemba amafaranga menshi kuko buri mwaka ukoze impuzandengo buri mukinnyi abarirwa agera kuri miliyoni 10 z’ama-Euro, ni ukuvuga agera kuri 10 100 769 516 Frw nkuko byatangajwe n’ikigo gikora igereranya ry’imishahara muri Siporo. (Global Sports Salary Survey).

Aya ni yo mafaranga menshi abayeho y’impuzandengo ikiye ihemba abakinnyi buri mukinnyi wayo buri mwaka. Si mumupira w’amaguru gusa ahubwo mu mikino yose.

Kuri uru rutonde Real Madrid ni yo ya kabiri kuko ku mpuzandengo ya buri mwaka buri mukinnyi ahembwa agera kuri  miliyoni 8.1 z’ama-Euro, ni ukuvuga asaga 80 785 042. 99 mu mafaranga y’u Rwanda.

Goal.com yanditse ko ibi byatewe n’amasezerano mashya Barca yahaye Lionel Messi mu 2017  ndetse no gusinyisha Philippe Coutinho, Arthur Melo, Malcom na Arturo Vidal.

Manchester United ni yo iyoboye ayandi makipe yo mu bwongereza ku mpuzandengo ya miliyoni 6 n’ibihumbi 500 z’ama-Euro, ikaba iya 10 ku isi mu gihe mukeba wayo Manchester City itanga agera kuri miliyoni 5 n’ibihumbi 900 by’ama-Euro ikaba ari iya 20 ku Isi.

Chelsea ni iya 35 ku isi igakurikirwa na Liverpool ya 38 mu gihe Arsenal ari iya 39.