EUFA Champions League: Atletico Madrid yatsinze Liverpool, PSG isuzugurirwa mu Budage
Imikino ya 1/8 ya EUFA Champions League yari yakomeje mu ijoro ryo kuri uyu wa Kabiri, Atletico Madrid ya Diego Siméon ihagama Liverpool ifite iki gikombe yatwaye umwaka ushize itsindiye Tottenham ku mukino wa nyuma.
Atletico Madrid yari yakiriye Liverpool mu mukino ubanza , niyo yafunguye amazamu hakiri kare ku gitego cyatsinzwe na Saoul Niguez ku munota wa Kane ndetse umukino urangira gutya.
Liverpool yakije igitutu Atletico Madrid ariko biranga kuko iyi kipe y’ i Madrid izwiho ubuhanga mu kugarira.
Klopp wa Liverpool yagerageje gukora impinduka ngo abone igitego maze akuramo Sadio Mane na Salah ashyiramo Divock Origi na Alex Oxlade-Chamberlain ariko ntihagira icyo bitanga umukino urangira ari 1-0.
Ku rundi ruhande, mu Budage , Borrusia Dortmund yari yakiriye Paris Saint Germain , umukino warangiye ari ibitego 2 bya Dortmund byatsinzwe na E.Haaland mu gihe kimwe cya PSG cyatsinzwe na Neymar .
