DRC: Imashini z’amatora zihangayikishije abatavuga rumwe na Leta
Muri Repubulika Iharanira Demokarasi ya Congo baritegura amatora y’umukuru w’igihugu azaba mu mpera z’uku kwezi ku Ukuboza , mu gihe hasigaye iminsi tari mike ngo amatora abe abatavuga rumwe n’ubutegetsi buriho bahangayikishijwe n’imashini zigiye kwifashishwa muri aya matora.
Umwe mu bakandida bakomeye batavuga rumwe na reta muri Congo avuga ko umugambi wo gukoresha imashini mu matora ya Perezida bidakurikije amategeko.
Martin Fayulu avuga ko afite impungenge ko akanama gashinzwe gutegura amatora kazokoresha izo mashini kugira ngo gahe amahirwe umukandida, Emmanuel Shadary, kugira ngo yegukane intsinzi mu matora y’umukuru w’igihugu.
Uyu munyepolitike Fayulu yifuza ko hakoreshwa impapuro z’amatora aho gukoresha imashini mu matora ateganyijwe ku itariki ya23 Ukuboza.
Akanama gashinzwe gutegura amatora muri Congo ko kavuga ko izo mashini zizabafsha muri aya matora mu rwego rwo kurinda ko hagira umukandida wibwa amajwi.
Izo mashini zizokoreshwa mu matora zaguzwe muri Korea y’epfo, igihugu na cyo cyavuze ko zishobora guteza ibibazo. Izi mashini z’amatora ntizavuzweho rumwe kuva byamenyekano ko zigiye kuzifashihswa mu matora y’umukuru w’igihugu.
