Donald Trump yahanantutse bikabije ku rutonde rw’abaherwe bakize ku isi
Donald Trump Perezida wa Leta zunze ubumwe za Amerika yongeye guhananuka bidasubirwaho ku rutonde rwa baherwe bakize cyane ku isi aho yasubiye inyuma akagera ku mwanya wa 222. aho kuri iyi nshuro noneho uru rutonde rw’abaherwe bakize cyane ku Isi, ruyobowe na Jeff Bezos washinze ikigo cy’ubucuruzi cya Amazon, aho yaciye agahigo, afata umwanya wa mbere wari umaze igihe wihariwe n’umuyobozi wa Microsoft, Bill Gates.
Uru rutonde rukorwa n’ikinyamakuru Forbes Magazine buri mwaka, cyarushyize ahagaragara kuri uyu wa Kabiri, aho kuri ubu ruyobowe na Jeff Bezos, agakurikirwa na Bill Gates, rukagaragaza kandi ko Perezida Donald Trump yavuye ku mwanya wa 544 yari ariho umwaka ushize agera ku wa 766.
Iki kinyamakuru kandi cyakomeje kigaragaza ko ubukungu bwa Trump kuri ubu bwagabanutseho miliyoni 400$ bukagera kuri miliyari 3.1$ uyu mwaka. Jeff Bezos uyoboye abaherwe afite miliyari 112$ nyuma yo kongera imigabane muri Amazon ikagera kuri 59% mu mezi 12 gusa bigatuma arusha Bill Gates miliyari zisaga 90$.
Twababwira kandi ko umuherwe Warren Buffett yagumye ku mwanya wa Gatatu, akurikirwa n’umuherwe w’umunyenganda wo mu Bufaransa, Bernard Arnault wavuye ku mwanya wa 11, Mark Zuckerberg washinze Facebook, aba uwa gatanu.
Donald Trump nyuma yaho atangiye ibikorwa byo Kwiyamamaza kuyobora Leta zunze ubumwe za Amerika ndetse akaza no gutsinda ayo matora kuri ubu ubukungu bwe bukomeje kugenda busubira inyuma umunsi ku munsi, dore ko umwaka ushize ku rutonde rw’abaherwe 400 bo ku mugabane wa Amerika, yari ari ku mwanya wa 248 mu gihe mu 2016 yari ku mwanya wa 156.
Twabibutsa kandi ko Mu 2015, Trump yari ku mwanya wa 121 muri 400 bakize muri Amerika, afite umutungo usaga miliyari 4,5 z’amadolari y’Amerika, 2016 yaramanutse agera ku mwanya wa 156 n’umutungo w’amadolari ya Amerika asaga miliyari 3,7 mu 2017 ageza ku mwanya wa 248 n’umutungo w’amadolari asaga miliyari 3.1. Ni ukuvuga ko umutungo we wagabanutseho miliyoni zisaga 600 hagati ya 2016 na 2017.
