Diamond Platnumz agiye kubakira amateka akomeye kwa ba Cristiano Ronaldo
Umuhanzi Diamond Platnumz umaze kwigarurira imitima ya benshi muri Africa by’umwihariko muri Africa y’Uburasirazuba agiye guhurira ku rubyiniro n’ibyamamare bikomeye ku Isi mu hihugu cya Portugal kivukamo icyamamare mu mupira w’amaguri Cristiano Ronaldo..
Uyu muhanzi niwe wenyine muri Afurika y’Uburasirazuba azaririmba mu iserukiramuco ngaruka mwaka ‘AfroNation concert’ rizabera muri Portugal. Azahurira ku rubyiniro n’ibikomerezwa ku Isi muri muzika birimo New kids on the block , Megan Thee Stallion n’abandi.
Iri serukiramuco biteganyijwe ko rizabera mu mujyi wa Portimão uherereye mu gace ka Algarve, mu Manjyepfo ya Portugal. Rizatangira tariki ya 01 Nyakanga risozwe ku ya 03 Nyakanga 2022.
Muri iri serukiramuco hazumvikana umuziki uri mujyana zitandukanye nka Afrobeats, Hip Hop, RnB, Dancehall, Amapiano, Afro House n’izindi. Mu bandi bazaririmba muri iki gitaramo bo kuri uyu mugabane harimo nka Wizkid na Burna Boy,Tems, Omah Lay, Oxlade, Rema ndetse na Ruger.
Iri serukiramuco risanzwe ryitabirwa ku rwego rwo hejuru.
