CECAFA Kagame Cup 2019: Ibiciro byo kwinjira ku mikino ya 1/4

Ibiciro byo kwinjira ku mikino ya ¼ cya CECAFA Kagame Cup iri kubera mu Rwanda byamaze gushyirwa hanze. Itike ya make yashyizwe kuri 2000 FRW naho iya menshi ishyirwa ku bihumbi 20.

Iyi mikino biteganyijwe ko itangira kuri uyu wa Kabiri tariki 16 Nyakanga 2019 kuri Stade ya Kigali i Nyamirambo.

Saa kumi z’amanywa TP Mazembe izahura na Azam FC  mu gihe saa kumi n’ebyiri n’igice z’umugoroba, KCCA izacakirana na Rayon Sports. Kwinjira ni 2000 FRW , 5000 FRW na 20.000 FRW.

Ku wa Gatatu nabwo hateganyijwe imikino 2 aho saa kumi Gor Mahia izahura na Green Eagles yo muri Zambia naho saa kumi n’ebyiri n’igice , APR FC ihure na AS Maniema.

Mu gihe amakipe ari gukina yanganya mu minota 90, hazajya hitabazwa iminota 30 y’inyongera, nakomeza kunganya hitabazwe penaliti.

Ikipe yegukanye iri rushanwa ihabwa igikombe giherekejwe n’ibihumbi mirongo itatu by’amadorali ya Amerika ($30,000). Ni angana na Miliyoni makumyabiri na zirindwi mu mafaranga y’u Rwanda (27.000.000 FRW). Ikipe ya kabiri ihabwa $20,000 ( Miliyoni 18 FRW) naho iya gatatu ikegukana $10,000 (Miliyoni 9 FRW) .

Uko imikino ya 1/4 iteganyijwe

Ku wa Kabiri tariki ya 16 Nyakanga 2019

TP Mazembe vs Azam FC (16h30)
KCCA vs Rayon Sports FC (18h30)

Ku wa Gatatu tariki ya 17 Nyakanga 2019

APR FC vs AS Maniema Union (16h30)
Gor Mahia vs Green Eagles FC (18h30)