CAF Confederation Cup: Rayon Sports itomboye Club Desportivo Costa do sol
Tombola y’uko amakipe agomba gucakirana mu ijonjora rya nyuma muri Total CAF Confederation Cup isize Rayon Sports yisanze kumwe na Club Desportivo Costa do sol yo muri Mozambique.
Ni Tombola irangiye mu kanya kashize ku cyicaro cya CAF giherereye I Cairo mu Misiri. Mu gihe abenshi bumvaga ko Rayon Sports ishobora gukubitana n’amakipe yo mu bihugu by’abarabu, si ko bigenze kuko Rayon Sports igomba gufata indege ikerekeza mu majyepfo aho inaherukira gucakirana na Mamelodi Sundowns.
Iyi kipe y’ubururu n’umweru igomba kwisobanura n’iyi kipe yo muri Mozambique itamenyerewe cyane muri iyi mikino, kugira ngo haboneke ugomba gukomeza mu matsinda y’iri rushanwa.
Desportivo Costa do sol ni ikipe ibarizwa mu murwa mukuru wa Mozambique Maputo, ikaba ari n’imwe mu makipe afite ibikombe byinshi muri iki gihugu, dore ko ari na yo ifite ibikombe byinshi kuva Mozambique yabona ubwigenge aho ifite ibikombe 10 bya shampiyona,
Iyi kipe isanzwe ihimbwa Canarinhos yashinzwe mu wa 1955 akaba ari n’ikipe y’uwitwa Amosse Chicualacuala. Ikaba ikinira Estadio do Costa Sol ifite ubushobozi bwo kwakira abafana ibihumbi 10.
Uko Tombola yagenze muri rusange:
