APR FC izahabwa igikombe muri shampiyona ya 2018-2019
Ikipe y’ingabo z’igihugu, APR FC, yatwaye igikombe cya shampiyona ya 2017-2018 ikaba itari yagihabwa, byemejwe ko izahabwa igikombe ku mukino wa mbere wa shampiyona ya 2018-2019 itegerejwe tariki ya 19 Ukwakira 2018.
APR FC yatwaye igikombe cya shampiyona tariki ya 27 Kamena itsinze Espoir FC 2-0 mu mukino wabereye kuri stade Amahoro I Remera mu gihe AS Kigali bari bagihanganiye yari inaniwe gutsinda Musanze FC bakanganya 1-1.
Ntiyahise ihabwa igikombe ndetse kugeza uyu munsi ntiragihabwa, hari amakuru avuga ko iki gikombe izagihabwa ku mukino wa mbere wa shampiyona.
Umuvugizi wa FERWAFA , Bonni Mugabe , yemeje aya makuru avuga ko guha igikombe APR bizakorwa ku mukino wa mbere izaba yakiriye muri shampiyona y’umwaka wa 2018-2019 ndetse ko banabiyimenyesheje.
Iki gikombe kibaye icya 17 ikipe ya APR FC yatwaye, byavugwaga ko APR FC ishobora gutegura umukino wa gicuti akaba ari ho bayigihera ariko izagihabwa ku mukino wa mbere izakira muri shampiyona nkuko twabigarutse ho hejuru.
