Amavubi yazamutseho imyanya ishimishije ku rutonde rwa FIFA
Ikipe y’igihugu Amavubi yazamutse imyanya 10 ku rutonde ngarukakwezi rwa FIFA aho ubu iri ku mwanya w’127 ku isi, rukaba urwa 35 muri Afrika.
Muri CECAFA ruri inyuma ya Uganda (84) yatakaje imyanya 5 , Kenya (104) yagumye aho yari iri, na Sudan(121) yatakaje umwanya 1.
Ku isi igihugu cya Mbere n’Ububiligi n’amanota 1822 busanzwe bufite uyu mwanya nubwo buherutse gutsindirwa muri 1/4 cy’irangiza muri Euro 2020 n’Ubutaliyani ku bitego 2-1.
Bukurikiwe na Brazil,Ubufaransa,Ubwongereza mu gihe Ubutaliyani bwatwaye Euro 2020 buri ku mwanya wa 5 mu gihe Argentina ya Messi yatwaye Copa America 2021 iri ku mwanya wa 6.
Amakipe akurikiyeho yuzuza imyanya 10 ya mbere ni Espagne,Portugal,Mexico na USA.Muri Afurika igihugu cya mbere ni Senegal ya 21,Tunisia ni iya 2 muri Afurika ikaba iya 28 ku isi mu gihe Algeria imaze igihe kinini itsinda muri Afurika iri ku mwanya wa 3 n’uwa 30 ku isi.
Kumenyesha
Uramutse ukeneye kumenyekanisha ibikorwa byawe (kwamamaza) cyangwa gutanga itangazo runaka uhawe ikaze kuri Teradignews.rw.
Hamagara 0780341462 / 0784581663 // Whatsapp 0784581663 / 0789 564 452
