Amakipe 5 muri 8 APR FC izatomboramo ni ayo mu Barabu
Ikipe ya APR FC yashyizwe mu gakangara ka gatatu gaherereyemo amakipe yasezerewe muri CAF Champions league agomba gutomborana n’ayo mu ka kane karimo ayakomeje mu ijonjora rya gatatu rya CAF Confederation Cup.
Kuri uyu wa Kabiri tatiki ya 26 Ukwakira ni bwo hateganyijwe tombora y’imikino ya kamarampaka ku makipe yasezerewe muri CAF Champions league ndetse n’ayakomeje mu ijonjora rya nyuma rya CAF Confederation Cup, hashakwa amakipe agomba kwerekeza mu matsinda ya Confederation Cup.
APR FC yasezerewe na Etoile du Sahel, yashyizwe mu gakangara ka gatatu gaherereyemo amakipe azatombora n’ayo mu ka kane.
APR FC iri kumwe n’andi makipe yananiwe kurenga ijonjora rya kabiri rya Champions league, arimo Tusker FC yo muri Kenya, Royal Leopards yo muri Eswatini, US Gendarmerie yo muri Niger, LPRC Oils yo muri Liberia, AS Maniema Union yo muri RDC, Al Ittihad SC yo muri Libya, Stade Malien yo muri Mali na Hearts of oak yo muri Ghana.
Amakipe ari muri aka gakangara azatomborana n’ayo mu ka kane arimo RS Berkane yo muri Maroc, Pyramids FC yo mu Misiri, JS Kabylie yo muri Algeria, Enyimba FC yo muri Nigeria, CS Sfaxien yo muri Algeria, Coton Sport yo muri Caméroun, Orlando Pirates yo muri Afurika y’Epfo na Al Masry yo mu Misiri.
