AFCON 2019: CAF yamaze gutangaza igihugu kizakira CAN ya 2019

Inama ya komite nyobozi y ‘Impuzamashyirahamwe y’umupira w’amaguru  muri Afurika , CAF yateraniye i Dakar  muri Senegal , yemeje ko igikombe cya Afurika cya 2019 kizakirwa na Misiri mu mpeshyi.

Misiri isimbuye Cameroon yari yarahawe iyi tike mu minsi ishize, iyamburwa kubera ko yananiwe gutegura ibibuga bizakinirwaho iyi mikino kuva kuwa 15 Kamena kugera kuwa 13 Nyakanga 2019 .

Misiri ibonye uyu mwanya  itsinze Maroc na Afrika y’Epfo zari zihanganiye kwakira iki gikombe cyari Kugeza ubu ibihugu bitandukanye byamaze kubona itike nubwo hasigaye umukino umwe mu matsinda,birimo Kenya,Algeria, Cote d’Ivoire, Egypt, Guinea, Mali, Madagascar, Mauritania, Morocco, Tunisia, Senegal, Uganda,Nigeria.

Iyi mikino y’igikombe cy’Afurika cy’ibihugu bwa mbere  izitabirwa n’amakipe n’amakipe 24. Ubwo iki gikombe giheruka kubera mu iki gihugu, ikipe y’igihugu ya Misiri yaranacyegukanye ifashijwe n’abakinnyi bari bagezweho muri 2006 nka Mohamed Aboutrika, Ahmed Hassan, Amr Zaki, Hosam Mido n’abandi.

Misiri igiye kwakira iki gikombe cya Afurika ku nshuro ya gatanu nyuma yo kucyakira mu 1959, 1974, 1986, na 2006, muri izo nshuro zose icyegukana inshuro eshatu.

 

Comments

comments