50 Cent yikomye Mayweather waguze isaha ya zahabu ihenze ku Isi
Floyd Mayweather umuherwe ukina umukino w’iteramakofe yaguze isaha ya zahabu ifite agaciro ka miliyoni 18 z’amadorali ($18 M).
Uyu mukinnyi w’iteramakofe unaza ku mwanya wa mbere w’abakinnyi bafite agatubutse kurusha abandi ku Isi abicishije kuri Instagram yatatse ibigwi iyi saha yaguze avuko ari cyo kintu aguze gihenze kuva Miami , Newyork Los Angeles, Vegas n’ahandi ku Isi.
Yagize ati” Iyi ni isaya yanjye shya , yitwa (The Billionaire Watch) isaha y’abamiliyonere, niba utayiziho byinshi baza Google, Billionaire Watch . ifite agaciro ka Miliyoni 18 z’amadorali $18M, nayiguze n’ahantu heza hacuruza imidali, ibintu by’agaciro gakomeye ku Isi, bahita Tadashi Fukushima ntahandi nakongera kugura imidali n’ibindi bintu b’agaciro ku Isi.”
Umuraperi wamenyekanye mu myaka ishize na nubu akaba agifite izina rikomeye ku Isi 50 Cent , akimara kubona ibi yagiye kuri Instagram ye avuga ko ibi Mayweather yakoze ari ubucucu , bitari bikwiriye abifata nko gupfusha amafaranga ubusa.
50 Cent akoresheje ifoto y’isaha n’ifoto y’ikinyamakuru cyanditse iyi nkuru yanditse agira ati “Bagabo hari umuntu umwe w’igicucu ku isi mutigeze mubona , ni ubugoryi kugura isaha nk’iriya”
Iyi saha yakozwe mu mwaka wa 2015 na Kampani yitwa Jacob & Co iyi ikaba ari kampani ya Jacob Arabo yayishinje mu 1986,ikaba icuruza ikanakora imidali, n’ibindi bintu bito by’agaciro cg bihenze cyane ku Isi , ikindi iyi kampani ikorana na kampani y’abayapani Tadashi Fukushima.
